Description
SUBTITEL: Beelddraer vorm deel van die reeks Tema-kategese en is saamgestel uit die Real lewe-reeks.
FORMAAT: Boek
AANTAL BLADSYE: 46
OPSOMMING: Die Tema-kategesereeks is spesiaal ontwerp vir jongmense
- om aan hulle geloof diepte te gee sodat dit hulle lewe stewig kan anker.
- om aan hulle die hulpmiddels te gee wat hulle sal help om die uitdagings van die lewe suksesvol aan te pak.
- om hulle te help om in hulle verhouding met die Here met ʼn roeping en ʼn droom te leef.
Die 10 temas is ideaal om in kategese, omgeegroepe vir jongmense of by jeugkampe te gebruik. Dit is ʼn wonderlike hulpmiddel vir mense wat in kwartaal-reekse of seisoen-siklussse met jongmense wil werk.
Die webblad
Beelddraer – Word wat jy reeds is (Leiersgids) gaan saam met ‘n webblad. Die webblad sal voor Januarie opgedateer word om hulpmiddels vir Beelddraer – Word wat jy reeds is (Leiersgids) in te sluit. Besoek gerus reallewe.bybelmedia.org.za. Daar is videogrepe, klanksnitte, foto’s en ander hulpmiddels op die webblad beskikbaar om die jongmense in hulle geloofsgeloofsgroei te ondersteun.
INHOUD
- Hoe leer ons God ken?
- Die Kunstenaar
- Om mag weg te gee
- Te groot vir woorde?
- Soos suurstof vir asemhaling
- Koning sonder paleis
- Connected in ʼn disconnected wêreld
- Sellofaanlose selfies
- Bou brûe en breek mure af
- Word wat jy reeds is
SKRYWERS
Die inhoud is spesiaal ontwikkel deur die Kategese-taakspan van die Algemene Sinode van die NG Kerk vir die geloofsvorming van graad 7- en hoërskoolleerders.
TEMA-KATEGESE: Hierdie kort kursusse help jou om oor spesifieke onderwerpe of temas kategese te hou. Daar is 10 ontmoetings per onderwerp wat geskik is vir ʼn kwartaal. Ons voorsien ʼn gids vir deelnemers en begeleiding vir aanbieders.
